Prej 25 vitesh pune në bletari, Gëzim Boka ka ngritur një park bletësh me 150 koshere, në Zall Herr, Tiranë. Bletaria, përveçse një aktivitet që i sjell të ardhura, është një pasion që ai e ka ruajtur dhe e vazhdon prej shumë vitesh.
Gëzimi është një ndër përfituesit e masës për mbarështimin e bletarisë, nga Skema Kombëtare 2023, ku për të katërtin vit radhazi ka aplikuar dhe është subvencionuar nga kjo skemë. Nga një koshere përfiton një sasi prej 7-10 kg mjalt në vit, por edhe qumështin e bletës, propolisin, të cilat janë shumë të kërkuara në treg.
AZHBR përmes Skemës Kombëtare synon të mbështesë të gjithë bletarët në rritjen e sasisë, cilësisë dhe lehtësimin e kostove gjatë prodhimit.
Burimi: AZHBR
