Evropa po përgatitet për motin e saj më të nxehtë këtë verë, pasi Gjermania dhe Nordikët presin temperatura jashtëzakonisht të larta javën e ardhshme.
Spanja do të ketë një tjetër verë të nxehtë ndërsa qytetet në të gjithë kontinentin do të përballen me nxehtësinë ekstreme.
Pas 11 muajve rekord të nxehtësisë, temperaturat e sipërfaqes së detit në Atlantikun e Veriut janë rritur në nivelin më të lartë në të paktën 40 vjet.
Pra, çfarë dimë për motin në Evropë këtë verë dhe a mund të presim nxehtësi ekstreme në të gjithë kontinentin?
A do të jetë kjo verë jashtëzakonisht e nxehtë në Evropë?
Kur bëhet fjalë për valët e të nxehtit ose ekstremet individuale të motit, askush nuk ka një top kristal. Por moti i kaluar mund t’u japë parashikuesve disa të dhëna.
“Është tepër e vështirë të parashikosh me saktësi se si moti do të jetë muaj përpara, e lëre më edhe javë e ndonjëherë ditë”, thotë Tamsin Green, një meteorolog nga shërbimi i parashikimit Ëeather & Radar.
Kjo për shkak se moti në të gjithë Evropën është jashtëzakonisht i ndryshueshëm me faktorë të panumërt ndikues.
Aktualisht, duket se qershori, korriku dhe gushti janë të gjitha në trend mbi mesataren për sa i përket temperaturës, sipas Green.
Green tha se ka shumë mundësi të ketë pika të nxehta në Evropën Jugore dhe Lindore.
Rreziku i valëve të të nxehtit po vë në vështirësi edhe Lojërat Olimpike të Parisit për sigurinë e atletëve.
Evropa Perëndimore mund të shohë reshje mesatare në qershor, më pas reshje mbi mesataren për Evropën Jugore në korrik, por kushte më të thata në lindje. Gushti, shton ajo, ka të ngjarë të jetë më i thatë dhe më i vendosur për pjesën më të madhe të kontinentit.
Përkthyer dhe përshtatur nga Euronews për Probizz.al
