Kompania BAMI Sh.p.k konsiderohet një nga operatorët më me përvojë në fushën e ndërtimit dhe asfaltimit të rrugëve në Shqipëri, me një eksperiencë prej dy dekadash të pasuruar me projekte të suksesshme në shkallë kombëtare.
Aktiviteti kryesor i shoqërisë përfshin ndërtimin civil dhe industrial, rikonstruksion dhe mirëmbajtje, si dhe ndërtimin e infrastrukturës si rrugë, autostrada, mbikalime, hekurudha dhe vepra arti. Kompania është e përfshirë gjithashtu në ndërtimin e impianteve për prodhimin e energjisë elektrike, ndërtimin e ujësjellësave dhe impjanteve të ndryshme hidrike. Një pjesë thelbësore e veprimtarive të saj është prodhimi i asfalt-betonit, duke ofruar konglomerat, binder dhe tapet, si dhe transporti i produkteve të prodhuara.
Falë një stafi drejtues shumë të kualifikuar, aktiviteti i shoqërisë ka parë një rritje të vazhdueshme nga viti në vit. Kjo performancë e qëndrueshme pasqyrohet në bilancet e dokumentuara të dhjetë viteve të fundit, ku xhiroja totale e kompanisë kalon vlerën prej 50 milionë euro.
Stafi i kompanisë është i përbërë nga 20 persona në stafin inxhinierik dhe teknik, 7 persona në administratë, dhe 111 punëtorë dhe specialistë të ndryshëm, duke formuar një ekip të fuqishëm dhe të specializuar.
BAMI Sh.p.k mbështet një aktivitet shumë të gjerë dhe këtë e ka arritur përmes bashkëpunimit të ngushtë me institucione shtetërore dhe kompani private, siç janë Autoriteti Rrugor Shqiptar (ARRSH), Fondi Shqiptar i Zhvillimit, Bashkitë e Tiranës, Krujës, Durrësit, Vorës dhe Kamëzit, si dhe Këshillet e Qarqeve të Tiranës, Durrësit, Shkodrës dhe Lezhës. Ndër partnerët e tjerë të rëndësishëm kombëtarë dhe ndërkombëtarë figurojnë GECI, Kastrati, Fusha, Kupa, Curri, BE-IS, ANK, TITAN dhe Fushë Kruja Cement.
Gama e projekteve të kompanisë është e larmishme dhe përfshin projekte me prioritet të lartë, si zgjerimi i rrugës hyrëse të qytetit të Krujës, ndërtimi i parkingut dhe rikualifikimi i qendrës së qytetit; përmirësimi i shtresave rrugore dhe i sinjalistikës në segmentin rrugor Fushë Krujë – Thumanë; dhe përmirësimi i sigurisë rrugore në aksin Kashar – Rinas.
Ajo që e veçon BAMI Sh.p.k në treg është përqendrimi i pandërprerë te cilësia dhe standardet e larta të produkteve të asfalt-betonit. Kjo cilësi implementohet në terren nëpërmjet një kapaciteti teknik të fuqishëm dhe një parki të gjerë makinerish, të cilat kompania i disponon për të përmbushur çdo detyrë me saktësi dhe efikasitet.
Kompania është krijuar zyrtarisht me vendim gjyqësor të Rrethit Tiranë me numër 21891, të datës 02.09.1999, dhe është e regjistruar në organet tatimore me numër NIPT: J94416206R. Gjithashtu, BAMI Sh.p.k është liçensuar nga Ministria e Infrastrukturës dhe Energjisë me Liçencën Nr. NZ.3607/18, të datës 19.02.2018, e cila është liçenca e rinovuar.
Informacion për Kontakt:
Zyrat Qëndrore:
Rruga e Durrësit, pallati prapa Ring Center, Kati 1, Tiranë, Shqipëri
Celular: +355 69 40 49 119
Email: info@bami.al
