Midhjet, levrekët, krapi, barbuni dhe të tjera janë specie që shërbehen kudo në bregdetin jugor të Shqipërisë dhe në disa zona të tjera të vendit, dhe kur serviren, ato shoqërohen gjithmonë me verë të bardhë.
Nëse shijoni midhjet tona, mund të thoni që keni shijuar mbretëreshën e ujërave të ëmbla, keni shijuar atë që banorët e këtyre zonave e quajnë Mbretëresha e Liqenit të Butrintit.
Shqipëria ka dy pika kryesore për prodhimin e midhjeve, njëra në Butrint dhe tjetra në Shëngjin. Butrinti ka potencialin për të prodhuar mbi 10’000 tonë midhje në vit, ndërsa Shëngjini ka kapacitet më të vogël prodhues, por ofron nivele të larta produktiviteti për speciet e tjera.
Prodhimi në Lagunën e Butrintit është i rrënjosur në një traditë të gjatë, ndërsa vendasit e konsiderojnë lagunën si vendin ideal për prodhimin e midhjeve jo vetëm për sa i përket temperaturës së ujit, por edhe nivelit të duhur të kripës që ai përmban.
Përgjatë Liqenit të Butrintit, do të gjeni guida turistike që ofrojnë shëtitje në liqen, për të parë kultivimin e specieve të midhjeve dhe peshqve të liqenit.
Gjithashtu në brigjet e Shëngjinit, Vlorës dhe Durrësit, do të gjeni ferma akuakulturore të cilat ofrojnë guida për turistët. Këta udhëzues realizohen duke përdorur varka përgjatë vijës bregdetare, ku kultivohen lloje të ndryshme detare.
Gjatë udhëtimit, turistët kanë mundësinë të eksplorojnë zona me tërheqje unike natyrore dhe kulturore, siç është Parku Kombëtar i mrekullueshëm i Butrintit. Zona përreth qytetit të lashtë të Butrintit, në Shqipërinë e Jugut, është shtëpia e një numri të llojeve të rrezikuara globalisht. Gjithashtu, kjo zonë ka një histori të pasur kulturore që justifikon njohjen e saj si një sit i Trashëgimisë Botërore të UNESCO-s.
Për të kontaktuar direkt me fermën, ju lutem ndiqni kontaktet në AgroTurizëm.gov.al.
