Pasi fitoi 20 miliardë dollarë në tregun e pasurive të patundshme në SHBA një dekadë më parë, të gjithë e pyesin se cila do të jetë lëvizja e tij e ardhshme. Edhe pse në ato vite ai nuk gjeti asgjë që mund të konkurronte sot, John Paulson ende sheh shenja të spekulimeve të tepërta në tregje.
Çmimet në rritje po e shqetësojnë atë gjithnjë e më shumë, por tregu, i cili – sipas tij – është qartë një flluskë, nuk është tjetër veç atij të kriptomonedhës. “Unë nuk do të këshilloja askënd të investojë në kriptomonedha” tha ai për “Bloomberg”. Përkundrazi, Paulson këmbëngul se zgjerimi i madh i ofertës monetare do të sjellë inflacion shumë më të lartë nga sa pritej dhe për këtë arsye do të përfitojë metali i çmuar, ari.
“Unë nuk kam gjetur asgjë aq asimetrike. Asimetrike do të thotë që ju mund të humbni pak nëse humbni, por mund të fitoni 100 herë më shumë nëse fitoni. Shumica e tregtive janë simetrike. Mund të fitoni shumë para, por duhet të rrezikoni shumë. Dhe nëse bëni një gabim, do të dëmtojë. Në kriptovaluta, shumat që mund të humbni janë të pakufizuara. Pra, edhe nëse mund të kem të drejtë në planin afatgjatë, në afat të shkurtër, mund të humbas gjithçka.
Në rastin e Bitcoin, shkoi nga 5,000 dollarë në 45,000 dollarë. Tani është e paqëndrueshme. Prandaj investoni në fusha që i njihni mirë. Të gjithë mund të jenë me fat në një investim të veçantë, por kjo nuk është një strategji investimi afatgjatë.
Nëse investoni në fusha që nuk i njihni, nuk do të bëni mirë në fund. Prandaj, është e rëndësishme të përqendroheni në fusha të veçanta që i njihni. Kjo ju jep një avantazh” shprehet ai.
Burimi: Bloomberg
