Një tjetër media shkruan për turizmin në Shqipëri. Kësaj here ishte Euronews në edicionin e tij në frëngjisht.
Sipas tyre vendi ynë tërheq gjithnjë e më shumë turistë çdo vit dhe shpreson të kalojë pragun e dhjetë milionë vizitorëve në vitin 2023.
Nëse Shqipëria ka qenë kaq e suksesshme vitet e fundit, kjo është për arsye të mirë: 450 kilometrat e saj bregdetar ofrojnë plazhe të lë pa frymë.
Që nga fillimi i pranverës suksesi i vendit ka qenë i dukshëm dhe agjencitë turistike presin gjithnjë e më shumë turistë. Numri i tyre rritet me rreth 20-30% dhe çdo vit dhe në vitin 2023 mund të dyfishohet edhe në krahasim me rezultatet e vitit 2022.
Cilat janë çelësat e suksesit të Shqipërisë?
“Bukuria e peizazheve të saj, natyra mikpritëse e shqiptarëve dhe mbi të gjitha çmimet e saj të përballueshme! Sipas operatorëve turistikë, kostoja mesatare e një nate në një hotel me ushqim të plotë varion nga 30 deri në 300 euro. Turistët vlerësojnë mundësinë për të përballuar një qëndrim të përballueshëm në Mesdhe, ndërsa shijojnë plazhe relativisht të qeta”, shkruan Euroneës .
Ministria e Turizmit shpreson të mirëpresë rreth 10 milionë turistë në vitin 2023.
Burimi : Euronews
