Ekonomia e Kinës nisi më mirë se sa pritej, edhe pse kriza në sektorin e pronave u thellua.
Sipas të dhënave zyrtare, produkti i brendshëm bruto (PBB) u rrit me 5.3% në tre muajt e parë të 2024, krahasuar me një vit më parë.
Kjo i kapërceu pritshmëritë, ekonomia e dytë më e madhe në botë mund të shohë një rritje të ngadaltë në 4.6% në tremujorin e parë.
Muajin e kaluar, Pekini vendosi një objektiv ambicioz të rritjes vjetore prej rreth 5%”.
Të dhënat nga Byroja Kombëtare e Statistikave (NBS) treguan gjithashtu se rritja e shitjeve me pakicë në tremujorin e parë, një matës kryesor i besimit të konsumatorit të Kinës, ra në 3.1%.
“Ju nuk mund të prodhoni rritje përgjithmonë, kështu që ne me të vërtetë duhet të shohim familjet të vijnë në festë nëse Kina dëshiron të arrijë objektivin e rritjes prej rreth 5%,” tha për BBC Harry Murphy Cruise nga Moody’s Analytics. Në të njëjtën periudhë investimet në prona ranë me 9.5%, duke theksuar sfidat me të cilat përballen firmat kineze të pasurive të paluajtshme. Sipas Fondit Monetar Ndërkombëtar (FMN), sektori përbën rreth 20% të ekonomisë.
Të dhënat më të fundit treguan gjithashtu se çmimet e shtëpive të reja ranë me ritmin më të shpejtë për më shumë se tetë vjet në mars.
Kriza e industrisë së pasurive të paluajtshme është theksuar në janar kur gjigandi i pronave Evergrande u urdhërua të likuidohej nga një gjykatë në Hong Kong.
Rivalët Country Garden dhe Shimao janë goditur gjithashtu me një peticion mbylljeje në qytet.
Përkthyer dhe përshtatur nga BBC për Probizz.al
