Sipas një raporti të ri shtatë vende përmbushin një standard ndërkombëtar të cilësisë së ajrit.
Nga 134 vende dhe rajone të anketuara në raport, vetëm Australia, Estonia, Finlanda, Grenada, Islanda, Mauritius dhe Zelanda e Re arrijnë një kufi udhëzues të Organizatës Botërore të Shëndetësisë (OBSH) .
Shumica dërrmuese e vendeve nuk po përmbushin këtë standard për PM2.5, një lloj njolle mikroskopike e blozës më pak se gjerësia e flokut të njeriut që kur thithet mund të shkaktojë një mori problemesh shëndetësore dhe vdekjesh, duke rrezikuar pasoja serioze për njerëzit. Këto janë të dhëna të raportit të IQAir, një organizatë zvicerane e cilësisë së ajrit që merr të dhëna nga më shumë se 30,000 stacione monitorimi në mbarë botën.
Ndërsa ajri i botës është përgjithësisht shumë më i pastër se sa ishte në pjesën më të madhe të shekullit të kaluar, ka ende vende ku nivelet e ndotjes janë veçanërisht të rrezikshme. Vendi më i ndotur, Pakistani, ka nivele PM2.5 më shumë se 14 herë më të larta se standardi i OBSH-së.
Por edhe në vendet e pasura dhe me zhvillim të shpejtë, progresi në uljen e ndotjes së ajrit është nën kërcënim. Kanadaja, e konsideruar prej kohësh si ajri më i pastër në botën perëndimore, u bë më i keqi vitin e kaluar për shkak të zjarreve rekord që shkatërruan vendin, duke dërguar toksina toksike në të gjithë vendin dhe në SHBA.
Ndërkohë, në Kinë, përmirësimet në cilësinë e ajrit u ndërlikuan vitin e kaluar nga një rikthim në aktivitetin ekonomik në vazhdën e pandemisë Covid-19, me raportin që zbuloi një rritje prej 6.5% në nivelet e PM2.5.
Përkthyer dhe përshtatur nga The Guardian për Probizz.al
