Nëse në këto momente klikoni në faqen e Instagram “Hënëza_al” do të njiheni menjëherë me një gamë të gjerë produktesh për kujdesin e lëkurës dhe të flokut.
https://www.instagram.com/heneza_al/?utm_medium=copy_link&hl=en
Por pas Hënëzës, fshihet një profesioniste ne këtë fushë e cila çdo ditë nuk rresht së shpjeguari përdorimin e duhur të produkteve.
Anisja Cani e kuptoi në fakultet që kishte lindur për biznes ndaj menjëherë punoi për të krijuar diçka të sajën.
Për Probizz.al Anisja tregon se si lindi “Hënëza”
“Hënëza ka ardhur krejt papritur nga një projekt ne lëndën e marketingut, teksa po bëja reklamën e produkteve që përdorja, pashë shumë njerëz të influencuar,dhe menyra sesi i shpjegoja produktet, ngjallte shumë vëmëndje. Aty thashë qe po, unë do hap një faqe skincare duke rishitur produktet që përdorja vetë. Emri “Hënëza” ka ardhur dhe nga vetë hëna, një simbol bukurie, sepse gjatë natës lëkura riprodhon qeliza të reja dhe vetë-rigjenerohet. “- thotë Anisja.
Cilat janë produktet që sot tregtohen në faqen “Hënëza”?
“Hënza është një brand i cili përmban produkte lëkure dhe floku, të cilat nuk lejohen të shiten nga cdo biznes por vetëm nga profesionistë. Deri tani kemi shënuar 6 linja profesionale për flokët dhe lëkurën. Risia jonë në treg është “PERSONALIZIMI I RUTINAVE” pasi komunikohet me klientin, i kërkohet fotoja e lëkurës ne të gjitha këndet. Ne bazë të problematikës së lekurës, jepet dhe trajtimi i lëkurës.”- shpjegon Anisja.
Ndihma që sot jep për qytetarët, ka qenë një nevojë e saj në të shkuarën për të njëjtin problem.
“Unë kam pasur probleme me lëkurën time dhe vendosa që të studjoja vetë mbi lëkurën dhe problematikat e tyre duke u njohur edhe më gjërë me produkte profesionale të cilat më dhanë një rezultat te paparë. Duke parë që femrat vuajne nga shumë problematike përsa i përket fytyres, vendosa që të jem “Zëri i zgjidhjeve te tyre bazuar mbi eksperiencën time”. Produktet që shiten, janë të gjitha të testuara dhe provuara nga unë.”- shpjegon themeluesja e “Hënëzës”
Nuk është rastësisht në fushën e biznesit.
“Unë këtë vit diplomohem për finance kontabilitet. Ishte pikerisht viti i parë i universitetit, aty ku kuptova dëshirën për biznes. Gjatë kësaj kohe jam trajnuar dhe certifikuar në Romë,Itali, për lekurat që kanë nevoj për rigjenerim dhe për problematikat e skalpit nga Revivre Milano.”
Disa këshilla për lëkurën nga Anisja Cani
Gjëja e parë që duhet të kemi parasysh ështe që cdo gjë që hahet nuk vendoset ne fytyrë ose në flokë.
Vajrat e papërpunuara shkaktojne irritime në lëkurë ose në flokë.
Kini kujdes që cdo ditë të vitit të vendoset krem dielli i cili ngadalson procesin e plakjes dhe mbron lëkurën nga rrezet e dëmshme.
Kini parasysh që floku i shëndetshëm nis nga një skalp i pastër dhe i shëndetshëm, përdorimi i një shampoje për pastrimin e skalpit është gjithmonë e rekomandueshme.
Rutina Ditore për lëkura të ndryshme:
Për lëkura normale është e nevoshme çdo ditë që të aplikohen:
1. Lares hidratues
2. Tonik hidratues
3. Krem hidratues
4. Krem dielli
Për lëkura të thata është e nevoshme çdo ditë që të aplikohen:
1. Larës hidratues
2. Tonik hidratues
3. Krem hidratues ( me komponent kolagen)
4. Krem dielli
5. Krem nate ( me vaj argani,vitamina A,E, acid hialuronik etj)
Për lëkura të yndyrshme është e nevoshme çdo ditë që të aplikohen:
1. Larës për yndyren
2. Tonik për zvogëlimin e yndyrës
3. Xhel hidratues ose (serum me vitamine c, b complex, folic acid etj etj )
4. Krem dielli ( matifikues, pa përbërje vajore)
5. Krem nate ( me acide te cilat përthajnë aknet si: acid salicilik, AHA, niacinamid etj)
Për lëkura mikse është e nevoshme çdo ditë që të aplikohen:
1. Larës hidratues
2. Tonik për zvogëlimin e yndyrës
3. Serum me vitamine c ose krem hidratues pa shumë përbërës vajor.
4. Krem dielli me veti hidratuese
5. Krem nate ( me acide të cilat përthajne pucrat)
Për flokët duhet të keni parasysh këto produkte
1. Shampo për llojin e skalpit tuaj
2. Shampo per gjatësinë e flokëve
3. Mask /balsam për llojin e flokut tuaj
4. Qumësht/mbrojtës kundra nxehtësise.
5. Vaj argani i përpunuar cdo ditë në gjatësinë e flokëve (mundësisht në majat e flokëve)
