Netflix raportoi se në tremujorin e parë të 2022, humbi 200,000 abonentë – humbja e parë e abonentëve në më shumë se një dekadë. Dhe humbjet e tij pritet të vazhdojnë, pasi Netflix parashikon një humbje globale prej 2 milionë abonentëve me pagesë për tremujorin e dytë.
Kjo humbje vjen pas vlerësimeve të mëparshme të kompanisë. Kompania u tha aksionerëve të saj se priste të shtonte 2.5 milionë abonentë neto gjatë tremujorit të parë, krahasuar me 4 milionë në të njëjtin tremujor të një viti më parë. Analistët prisnin 2.7 milionë abonentë.
Rënia e çoi bazën e abonentëve të Netflix në 221.6 milionë, nga 221.8 milionë në tremujorin e kaluar.
Kompania ia atriboi humbjen e abonentëve një sërë faktorëve. Veçanërisht, pezullimi i shërbimit të saj në Rusi çoi në humbjen e 700,000 abonentëve. Pushtimi rus i Ukrainës mund të ketë pasur një ndikim të mëtejshëm në rajone të tjera, pasi Netflix tha se pa një ngadalësim në biznesin e tij në Evropën Qendrore dhe Lindore në mars, që përkoi me fillimin e pushtimit.
Faktorë të tjerë që kontribuan në humbjen e përmendur nga Netflix në letrën e tij të aksionerëve ishin të ndryshëm. Transmetuesi vuri në dukje gjithçka, nga shpërndarja e fjalëkalimit te peizazhi konkurrues, te Covid dhe madje deri te inflacioni për të shpjeguar pse po shkonte kaq keq me marrdhjen e përdoruesve të rinj.
Për të adresuar çështjet e shpërndarjes së fjalëkalimeve, Netflix kohët e fundit filloi testimin e një veçorie që do t’i shtynte abonentët të paguanin ekstra nëse do ta ndanin shërbimin me njerëz jashtë familjes së tyre.
Ndërsa kjo veçori e re po testohet në Kosta Rika, Peru dhe Kili, kompania sugjeron se kjo do të zgjerohet në të ardhmen.
Burimi: Tech Crunch
