Këtë javë, Economist Intelligence Unit (EIU) publikoi renditjen e tyre të Indeksit Global të Jetueshmërisë të 10 vendeve më të mira dhe 10 më të këqija për të jetuar në botë në vitin 2022. Indeksi shënoi 172 qytete në pesë kategori: kulturë, kujdes shëndetësor, arsim, infrastrukturë dhe argëtim.
Qytetet në Skandinavi dominojnë listën e qyteteve më të jetueshme falë stabilitetit dhe infrastrukturës së mirë në rajon. Sipas indeksit, banorët e këtyre qyteteve mbështeten nga një kujdes i mirë shëndetësor dhe mundësi të shumta për kulturë dhe argëtim. Vit pas viti, qytetet në Austri dhe Zvicër priren të renditen lart në listat e cilësisë së jetës falë ekonomisë së tyre të mirë-zhvilluar të tregut social.
Edhe pse 18 vende të ndryshme janë të përfaqësuara në këto lista, ju nuk do të gjeni SHBA të renditur në top 10 në asnjërën prej tyre. Një përfaqësues për EIU tha për CNBC Make It përmes emailit se Atlanta, Gjeorgjia renditet si qyteti më i jetueshëm i SHBA-së, në vendin e 26-të në listë, ndërsa Uashingtoni DC ishte afër në vendin e 30-të.
Vendi nr. 1 më i mirë për të jetuar në botë: Vjenë, Austri
Vlerësimi i përgjithshëm: 95.1/100
Stabiliteti: 95
Shëndetësia: 83.3
Kultura dhe mjedisi: 98.6
Arsimi: 100
Infrastruktura: 100
Vjena, Austri, renditet e para si vendi më i mirë për të jetuar në botë. Ajo mbajti pozicionin në 2018 dhe 2019, por ra në vendin e 12-të në 2021.
Këtu janë pjesa tjetër e 10 vendeve më të mira për të jetuar
- Vjenë, Austri
- Kopenhagë, Danimarkë
- Zurich, Zvicër
- Calgary, Kanada
- Vankuver, Kanada
- Gjenevë, Zvicër
- Frankfurt, Gjermani
- Toronto, Kanada
- Amsterdam, Holandë
- Osaka, Japoni dhe Melburn, Australi (barazim)
Vendi nr. 1 më i keq në botë për të jetuar: Damask, Siri
Vlerësimi i përgjithshëm: 172
Stabiliteti: 20
Shëndetësia: 29.2
Kultura dhe mjedisi: 40.5
Arsimi: 33.3
Infrastruktura: 32.1
Këtu janë pjesa tjetër e 10 vendeve më të këqija për të jetuar
- Teheran, Iran
- Douala, Kamerun
- Harare, Zimbabve
- Dhaka, Bangladesh
- Port Moresby, PNG
- Karaçi, Pakistan
- Algjeri, Algjeri
- Tripoli, Libi
- Lagos, Nigeri
- Damask, Siri
Ajo që duket se kanë të përbashkët qytetet në listën më të keqe janë disa çështje serioze sociale dhe shqetësime të sigurisë. Për shembull, indeksi deklaroi se vendi i Damaskut në listë ka të ngjarë të jetë rezultat i trazirave sociale, terrorizmit dhe konfliktit që prek qytetin sirian.
Lagos – kryeqyteti kulturor i Nigerisë – hyri në listë sepse, sipas Departamentit të Shtetit të SHBA-së, është i njohur për krimin, terrorizmin, trazirat civile, rrëmbimet dhe krimin detar.
Burimi: CNBC
