“Siddharta” ka qenë padyshim nga librat i cili ka ndikuar jashtëzakonisht shumë në mardhënien që kam pasur me librin dhe dijen në përgjithësi! Ka qenë dritare e cila më ka prezantuar me pafundësinë e dijes dhe zellin për ta kërkuar atë kudo dhe prej kujdo…
Nga kjo vepër u dashurova shumë edhe me autorin gjë që vazhdova të lexoja dhe vepra të rradhës nga Hesse!
Fill pas “Siddhartës” tentova të lexoja “Ujku i stepës” çka rezultoi një sprovë për moshën që e kisha më dorë dhe tani e kujtoj mjaft mirë diferencën pasi e rilexova pas shumë kohësh!
Vazhdova me “Nën rrotë” një botim mjaft i vjetër, por me një përkthim të jashtëzakonshëm. Më përpiu të tërin, sepse në këtë libër përshkruhej tortura dhe presioni që një student mban mbi supe gjatë periudhës së leximit nga autoriteti familjar dhe shoqëria!
Ka qenë nga leximet që vështirë se të bën ta harrosh dhe të jep një mësim shumë të madh mbi jetën: ajo nuk është vetëm studim dhe arritje, por edhe soditje dhe kënaqësi!
Tashmë kanë ardhur edhe dy vepra të tjera të cilat nuk kanë qenë në shqip nga Hesse: “Demiani” dhe “Peter Camenzind”!
Do të vazhdoj me “Demiani”. Me çka vërejta ishte një përkthim shumë i mirë!
E rekomandoj shumë Hesse-n duke sugjeruar që “Ujku i stepës” të rezervohet nga fundi sipas rradhës si vepra e tij më e vështirë dhe njëkohësisht si ajka e krijimtarisë së tij!
Shpresoj shumë që të prezantoheni me këtë autor, ata të cilët akoma nuk e kanë lexuar!
Autor: Adriatik Kurti, tregtar i librit online dhe dashamirës i librit
