Vendimi i marrë gjatë orëve të fundit i qeverisë libaneze për të shtyrë me një muaj ndryshimin e orës deri në përfundimin e muajit të Ramazanit ka krijuar një konfuzion shumë të madh.
Disa nga institucionet e implementuan këtë ndryshim, ndërkohë që disa të tjera refuzuan. Kjo gjë bëri që qytetarët të kishin përplasje oraresh midis punës dhe shkollës.
Vendimi i menjëhershëm nga kryeministri Najib Mikati duket se ka ardhur pas diskutimit me Nabih Berri në mënyrë private. Në mediat lokale u shfaq një video ku tregohej se si Berri i kërkonte privatisht Mikati që të shtynte ndryshimin e orës në mënyrë që myslimanët të kishin mundësinë të përfundonin agjerimin një orë më herët.
Mikati kishte bërë një propozim të ngjashëm, por më pas i tregon Berri-t se kjo gjë mund të shkaktojë probleme me oraret e fluturimeve. Megjithatë Middle East Airlines lajmëroi të gjithë pasagjerët që do të largohen nga aeroporti i Bejrutit nga dita e diel deri në datën 21 prill se fluturimet do të shtyhen me 1 orë.
Nga ana tjetër kompanitë telefonike në Liban i kërkuan përdoruesve që të ndryshonin manualisht orën në smartphone-in e tyre, në mënyrë që ora të mos ndryshohej automatikisht pa dijeninë e tyre.
Haruka Naito, një punonjëse e një organizate jo qeveritare që jeton në Beirut, zbuloi se duhet të ishte në 2 vende të ndryshme në të njejtën kohë ditën e hënë. “Unë kisha një takim në orën 8 të mëngjesit dhe për të dhënë mësim në orën 9, të cilat do të zhvillohen në të njejtën kohë.” tha ajo.
Burimi: Geekroom
