Është italian hoteli më i mirë në botë sipas listës së ‘50 hoteleve më të mirë në botë’, një klasifikim i vecantë i hartuar nga 580 ekspertë të hoteleve anonime. Bëhet fjalë për hotelin “Passalacqua di Moltrasio”, në Liqenin e Como-s, një vilë e shekullit XVIII me pamje mbi liqen, që renditet i pari duke lënë prapa atë të “Rosewood” në Hong Kong dhe “Four Season Bangkok” në Chao Phraya River.
Fituesi “Passalacqua”, një ‘hotel boutique’ luksoz, është një vilë, që sipas vlerësuesve ka shkallë spektakolare të ndërtuara mbi ujë. Janë 24 dhoma në të cilat gjithkush do të ndihet si në shtëpinë e tij, sipas tyre. Një vilë që ka dhe një histori: aty ka qëndruar Napoleone Bonanaparte dhe Winston Churchill si dhe kompozitori Vincenzo Bellini që pikërisht në këtë vend shkruajti veprat “La Norma” dhe “La Sonnambula”.
Tim Brooke-Webb, Drejtor Menaxhues i 50 Hoteleve më të Mirë në Botë, shprehu urimet për ‘Passalacqua’ që arriti të jetë numri 1, vetëm dy vjet pas hapjes. Sipas tij ky është një testament i vërtetë i vizionit të familjes De Santis, i cili krijoi këtë vend të shenjtë mysafirësh me përkushtim skrupuloz ndaj detajeve të dizajnit, mikpritjes elegante dhe magjisë së veçantë, e cila ka lënë qartësisht një përshtypje të qëndrueshme në Akademinë e votuesve ekspertë”. Familja De Santis, Paolo, Antonella dhe Valentina, janë dhe pronarë të Hotelit “Gran Tremezzo”, gjithashtu në liqenin e Como-s.
Ndër qytetet e tjera të mëdha të vlerësuara janë Londra me katër prona në renditje si dhe Bangkoku, Parisi me tre, dy hotele secili për New York, Hong Kong, Singapor, Tokio dhe Marrakech.
Marrë nga Scan Tv
