Përmirësohet liria ekonomike në Shqipëri dhe ne raportin e fundit nga “Fraser Institute”, vendi ynë renditet në e 31-ta nga 165 vende, duke lënë pas Rajonin dhe disa prej vendeve më të zhvilluara në Europë.
Instituti kanadez “Fraser Institute” mat qëndrueshmërinë e institucioneve dhe politikat ekonomike të një vendi, ndërsa liria ekonomike, sipas raportit është një koncept i bazuar në pronësinë vetjake.
Të dhënat e indeksit tregojnë se shkalla e lirisë ekonomike matet në fusha të gjera të cilat përfshijnë Shpenzimet e Qeverisë dhe Normat e Taksave, Sistemi Juridik dhe të Drejtat Pronësore, Qëndrueshmëria e Monedhës vendase, Liri për Tregti Ndërkombëtare dhe Rregullatori i kredisë, punës dhe biznesit.
Në nivel Rajoni, vend i cili ndjek Shqipërinë në këtë renditje është Mali i Zi në vend të 32 me 7.59 pikë të grumbulluara. Me tej vijon renditja Maqedonia e Veriut në vend të 65-të dhe pasohet nga Serbia në vend të 76-të.
Burimi: Fraser Institute
