Australia do të ndalojë importet e vape nga janari, në një përpjekje për të frenuar varësinë nga nikotina tek fëmijët.
Priten të futen gjithashtu ligje të reja për të ndaluar prodhimin, reklamimin dhe furnizimin e cigareve elektronike në vend.
Vaping është shitur si një mënyrë për të lënë duhanin, por ministri i shëndetësisë i Australisë thotë se ka krijuar një “gjeneratë të re të varësisë nga nikotina”.
Vapes, ose e-cigaret, janë pajisje me bateri litiumi që kanë fishekë të mbushur me lëngje që përmbajnë nikotinë, aromatizues artificialë dhe një sërë kimikatesh të tjera.
Pavarësisht se ishte e paligjshme për çdo australian të blejë ose importojë cigare elektronike pa recetën e mjekut që nga viti 2021, shkalla e varësisë ka vazhduar të rritet.
Një studim nga Universiteti i Sidneit në fillim të këtij viti zbuloi se më shumë se një e katërta e adoleshentëve të moshës 14-17 vjeç kishin pirë vape .
“Të gjitha qeveritë australiane janë të përkushtuara për të punuar së bashku për të ndaluar rritjen shqetësuese të vape midis të rinjve tanë,” tha Mark Butler, ministri federal i shëndetësisë.
Importuesit dhe prodhuesit që furnizojnë cigare elektronike do të duhet gjithashtu të respektojnë rregulloren më të rreptë të qeverisë në lidhje me shijet, nivelet e nikotinës dhe paketimin e produkteve të tyre.
Hulumtimet nga Universiteti Johns Hopkins e kanë lidhur këtë praktikë me sëmundjet kronike të mushkërive dhe astmën.
Përkthyer dhe përshtatur nga BBC për Probizz.al
