Përpjekjet globale për të ngadalësuar një katastrofë klimatike mund të kenë arritur një moment historik kritik vitin e fundit me kulmin e emetimeve globale të karbonit nga përdorimi i energjisë, thonë ekspertët.
Viti 2023 mund të regjistrohet si viti në të cilin emetimet vjetore arritën një kulm përpara se ekonomia globale e karburanteve fosile të fillojë një rënie përfundimtare. Ky moment konsiderohet si një pikë kyçe në sfidën për të çuar emetimet në zero. Por për shumë ekspertë të klimës, kjo është një pikë përkuljeje që duhej vite më parë dhe e cila, megjithëse inkurajuese, është shumë larg reduktimit të shpejtë që ka nevojë bota.
Shkencëtarët kryesorë të klimës në botë kanë paralajmëruar vazhdimisht se grumbullimi i dioksidit të karbonit në atmosferën e Tokës do të thotë se është kritike për të ulur emetimet përpara vitit 2030 nëse udhëheqësit shpresojnë të mbajnë ngrohjen globale në një maksimum prej 1.5C. Shkalla me të cilën do të duhet të reduktohen emetimet do të kërkojë, një transformim global në një shkallë që ende nuk është nisur.
“Ne mund të bëjmë një pauzë të vogël për të festuar këtë pikë kthese,” tha Dave Jones, një drejtor në qendrën e mendimit për klimën Ember. “Por në një farë mënyre është shqetësuese që ne ende po flasim se kur emetimet mund të arrijnë kulmin. Realiteti i situatës është se ne kemi nevojë për reduktime të thella dhe të shpejta të emëtimeve nëse shpresojmë të qëndrojmë brenda buxhetit jashtëzakonisht të vogël për karbonin që mbetet.”
Agjencia Ndërkombëtare e Energjisë (IEA) shtoi shpresat në fillim të këtij viti për një fund të epokës së karburanteve fosile, kur parashikoi për herë të parë se konsumi i naftës, gazit dhe qymyrit do të arrinte kulmin përpara vitit 2030 dhe do të fillonte të binte me hyrjen në fuqi të politikave klimatike.
“Nuk është një çështje “nëse”, është vetëm një çështje “sa shpejt” – dhe sa më shpejt aq më mirë për të gjithë ne,” tha Fatih Birol, kreu i IEA.
Përkthyer dhe përshtatur nga The Guardian për Probizz.al
