Nis sot punimet në Tiranë takimi i Komisionit për Europën të Organizatës Botërore të Turizmit me pjesëmarrjen e ministrave dhe përfaqësuesve të lartë të sektorit të turizmit nga 40 shtete të kontinentit.
Kështu Tirana do të kthehet në një pol dinamik të zhvillimeve në turizëm dhe këto evente ngrenë në një tjetër nivel promovimin e Shqipërisë.
“I japim mirëseardhjen sot delegacioneve të Komisionit për Europën të Organizatës Botërore të Turizmit që do ta kthejë Tiranën në një pol dinamik të zhvillimeve në turizëm dhe ngre në një tjetër nivel promovimin e Shqipërisë”, shkruan ministrja Mirela Kumbaro në facebook.
Kjo është një prej ngjarjeve shumë të rëndësishme që shenjon një hap po aq të rëndësishëm për promovimin e vendit, nxitjen e investimeve dhe rritjen ekonomike përmes sektorit të turizmit në Shqipëri. Evente si këto synojnë të nxisin ardhjen e turistëve , sidomos atyre elitarë.
