“Kur nuk shkojnë në stadium”, e realizuar në vitin 1986, nga piktori Guri Madhi, bëhet pjesë e ekspozitës “In motion – Art & Football” në Muzeun e Futbollit Gjerman, në Dortmund.
Ekspozita gërsheton botën e futbollit dhe të artit.
Kreu i qeverisë shqiptare ka shpërndarë në rrjetet sociale pamje nga ekspozita “In motion – Art & Football”.
“Në një sipërfaqe prej rreth 1000 metrash katrorë, një instalacion hapësinor mundëson ndërveprim mes veprave artistike që trajtojnë temën e futbollit në modernizmin europian të shekullit të 20-të”, u shpreh Rama.
Në Muzeun e Futbollit Gjerman në Dortmund do të ekspozohen 175 vepra arti me temë futbollin, të 100 autorëve botërorë, ndërmjet të cilave është përzgjedhur dhe vepra e vitit 1986 “Kur nuk shkojnë në stadium” (Ëatching Football Game) e piktorit shqiptar Guri Madhi (1921-1988).