Eksporti i agrumeve sjell një rritje prej 32.6% në sasi dhe 14.4% në vlerë, gjatë periudhës janar – prill 2024, krahasuar me një vit më parë.
Lajmi është bërë më dije në një postim në rrjetet sociale nga ministrja e Bujqësisë dhe Zhvillimit Rural Anila Denaj.
“Shifrat nxjerrin në pah punën e shkëlqyer dhe përkushtimin e fermerëve tanë , për të forcuar prodhimin vendas me mbështetjen e Ministrisë së Bujqësisë dhe Zhvillimit Rural”, shkruan Denaj. Shqipëria eksporton agrume kryesisht në vende të Bashkimit Europian.
