Kompania Shkalla, me një eksperiencë 14-vjeçare në fushën e prodhimit të vajit të ullirit, ka arritur të bëhet një emër i njohur në tregun ndërkombëtar, duke fituar një çmim prestigjioz në “PREMIO BIOL 2024” në Itali. Përballë 483 konkurentëve, prej të cilëve 53 nga bota, 130 europianë dhe 300 italianë, Kompania “Shkalla” u vlerësua me çmimin “EXTRA GOLD MEDAL” si dhe “BIOL ALBANIA”.
Kjo arritje dëshmon vlerësimin dhe besimin në rritje për produktet “Made in Albania” në skenën ndërkombëtare, duke përçuar një mesazh pozitiv për cilësinë dhe përkushtimin e prodhuesve shqiptarë.
Ministrja e Bujqësisë dhe Zhvillimit Rural Anila Denaj e konsideron këtë çmim një vlerësim ndërkombëtar për produktet “Made in Albania”.
