Flet themeluesi Gledi Kryemadhi; Synojmë zgjerimin e tregjeve. Pas Turqisë tani operojmë edhe me Kinën.
Logjistika zë një proces mjaft të rëndësishëm për shumë biznese, për të siguruar transport të sigurtë, të shpejtë dhe me cilësi në destinacionin e duhur. Prej vitesh në Shqipëri operon “HEGI LOGISTICS” e cila bën transport të mallrave Shqipëri-Turqi dhe anasjelltas. Por vit pas viti kjo kompani ka ardhur në rritje dhe ambicjet janë për të zgjeruar sa më shumë tregjet operon. Në një intervistë për Probizz.al Z. Gledi Kryemadhi flet për rrugëtimin e tij në fushën e biznesit ndërsa njofton se së fundmi kompania e tij ka nisur shërbimet e transportit edhe me Kinën.
Kur vendoset të merreni me biznes mes Shqipërisë dhe Turqisë?
Kam mbaruar për Gjuhë – Letërsi Turke ndërsa masterin e kam kryer për Marrëdhënie Ndërkulturore Turistike dhe Menaxhim Biznes. Karriera ime ka nisur në një kompani shumë të vogël ushqimore më pas në një kompani ajrore dhe prej 8 vitesh u përfshiva me tregun logjistik. Jam certifikuar në disa kurse për tarifat doganore dhe sot drejtoj kompaninë time “Hegi Logistics”. Po ashtu jam edhe Nën Kryetar i Musiad Albania, ku Shqipëria është tashmë pjesë e hartës globale të MÜSIAD. Shoqata e industrialistëve dhe biznesmenëve të pavarur MUSIAD ka filiale në 81 vende të ndryshme të botës.
Cfarë ofron “HEGI LOGISTICS”?
Kompania jonë ofron shërbime të transportit të mallrave Turqi-Shqipëri, grupazhe dhe kamionë të plotë ku në Turqi operon me dy magazina; një në pjesën e Europës dhe një Aziatike. Kemi ofruar lehtësi me stafin e kualifikuar në të dy vendet; Turqi, Shqipëri.
Konkretisht kush janë bizneset që ju shërbeni?
Kemi kënaqësinë t’ju shërbejmë bizneseve të të gjitha kategorive nga të mëdha e deri tek të vogla që kanë nevojë për shkëmbime të mallrave me garanci të plotë. Transportet tona janë të fokusuara në çmime ekonomike, shpejtësi dhe korrektësi.
Prej sa vitesh operoni në treg?
Si kompani operojmë në treg prej 3 vitesh ndërsa karriera ime në këtë fushë është prej afro 11 vitesh. Ambjentet tona ndodhen në Zonën e Vorës pranë Doganës së Tiranës me një sipërfaqe 2500 metër katror, magazinë dhe parkim. Për të qenë sa më të saktë, ofrojmë edhe ndjekjen e kamionëve me GPS. Gjithashtu ofrojmë edhe shërbimin e GPS që edhe vetë klientët të ndjekin në kohë reale ngarkesën e tyre të mallrave se në cilin destinacion ndodhet.
Si e shikoni “ HEGI LOGISTICS” në të ardhmen?
Kompania jonë ka ardhur duke u zgjeruar vit pas viti dhe synimet tona janë për zgjerime të mëtejshme në tregje të reja, siç kemi nisur aktualisht bashkëpunimin e shkëmbimeve tregtare me Kinën nëpërmjet Hegi Logistics. Ne sjellim edhe nga Kina mallra të ndryshme me kontenierë ku bashkëpunojmë me disa subjekte. Për ne mbreti është klienti. Ndaj ne synojme që ti lehtësojmë në maksimum procedurat për veprime të ndryshme.
Po të bërit biznes mes Turqisë dhe Shqipërisë si e vlerësoni?
Nisur nga formimi arsimor dhe po ashtu nisur nga fakti që prej vitesh jam angazhuar me sektorin e biznesit Turqi – Shqipëri, ku kam përfituar shumë nga shteti Turk si trajnime dhe eksperiencë, e ndjeja si obligim dhe kënaqësi të bëj biznes dhe të jem një urë lidhëse mes Turqisë dhe Shqipërisë.
Kontakt:
069 556 4444
068 428 1800
Email: info@hegilogistics.com
