Koreografi me origjinë shqiptare Angjelin Preljocaj është pranuar zyrtarisht si anëtar i Akademisë së Arteve të Bukura në Francë.
“Sot është një ditë e jashtëzakonshme për të famshmin koreograf dhe artist francez me origjinë shqiptare, Angjelin Preljocaj, i cili do të pranohet zyrtarisht si anëtar i Akademisë së Arteve të Bukura të Francës. Ky është gjithashtu një moment i madh krenarie edhe për Shqipërinë dhe për kulturën shqiptare”, shkruan në një postim në facebook ministria e punëve të jashtme të Shqipërisë.
Në një ceremoni madhështore, prestigjioze dhe historike të Institutit të Francës, Preljocajt iu dorëzua Shpata e Akademikut e krijuar posacërisht për të nga Constance Guisset, artise designer e njohur franceze me famë ndërkombëtare.
Gjatë fjalës së tij Preljocaj falenderoi të gjithë ata balerinë që në më shumë së 40 vite kanë dhënë kontribut dhe bashkëpunëtorët e tyre.
Koreografi francez me origjinë shqiptare lindi ne france ku studio baletin klasik përpara se t’i përkushtohej kërcimit bashkëkohor, të cilin e studioi me Karin Ëaehner, Zena Rommett, Merce Cunningham dhe më vonë Viola Farber dhe Quentin Rouillier. Në dhjetor 1984 Preljocaj themeloi kompaninë e tij. Që nga fillimet e tij, ai ka krijuar 61 vepra koreografike, duke filluar nga solo në formacione më të mëdha duke përfshirë Romeo & Juliet, Borëbardha, Liqeni i Mjellmave. Atij i pëlqen të alternojë balete të mëdhenj narrativë me pjesë më abstrakte si Empty Move, Still Life, Deleuze/Hendrix.
Angelin Preljocaj ka marrë çmime të shumta dhe ka drejtuar disa filma të shkurtër dhe filma me koreografi të tij. Kompania që Preljocaj themeloi ka 30 kërcimtarë të përhershëm dhe performon mesatarisht 120 shfaqje në vit, në mbarë botën.
