KASH dhe KKSH njoftojnë se mbas takimeve dhe bisedave midis përfaqësuesve të dy organizatave në Luginën e Preshevës, Komunat Preshevë, Medvegj, Bujanovc dhe në Beograd u ra dakord që të nënshkruhet në Tiranë, një memorandum bashkëpunimi midis Këshilllit të Agrobiznesit Shqiptar (KASH) dhe Këshillit Kombëtar Shqiptar (KKSH), të Luginës Preshevë, komunat, Preshevë, Medvegj. Bujanovc (Lugina).
Qëllimi Memorandumit është: Vendosja e bashkëpunimit institucional mes “Këshillit të Agrobiznesit Shqiptar” dhe Këshillit Kombëtar Shqiptar në vijim (KKSH) për të shkëmbyer eksperiencën dhe organizuar aktivitete të përbashkëta dhe zbatuar projekte, për zhvillimin e qëndrueshëm të ekonomisë, konservimin e produkteve tradicionale bujqësore, dhe përmirësimin e mjedisit të agrobiznesit dhe biznesit veçanërisht në Luginën e Preshevës, komunat: Preshevë, Medvegjë dhe Bujanovc,.
Objekti kryesor i bashkëpunimit midis dy organizatave do të jenë: Sektorët dhe subjektet prodhuese të zinxhirit të furnizimit me ushqime si ato të: 1. Bujqësisë, 2. Blegtorisë, 3.Agrobiznesit &TregjetAgro-Blegtorale, Agropërpunimit & Subjekteve të Ushqimit Social, 5. Turizmit Rural dhe Mjedisit, 6. Bimëve Aromatiko-Mjekësore & Agropylltarisë, 7. Bujqësisë Organike dhe Bletarisë”,8. Financës & Mikrofinancës 9. Zejtarisë. Përmirësimi i legjislacionit që impakton zonat rurale dhe përafrimi me legjislacionin e BE. Rritja e masës së disbursimit të financimit në zonat rurale, për disbursimin e fondeve, granteve të vëna në dispozicion për sektorët e sipërcituara nga qeveria dhe donatorët nëpërmjet përgatitjes së projekteve të përbashkëta, përmes Programit financiar IPA, Cross- Border, Programit HORIZON 2020, gjithashtu dhe programeve të tjera të ndihmës nga institucione publike dhe private.
