Gerta Rada, një shqiptare që motivon dhe frymëzon këdo me arritjet e saj të jashtëzakonshme në fushën e Real Estate.
Para 20 vitesh vizitoi Dubain, por themelet e forta u hodhën tre vite më parë ku u vendos me familjen e saj dhe projektoi të vijonte karrierën. Sukseset pasuan njëri pas tjetrit ku ajo realizoi shitje që kapin vlerën miliona dollarë në zonat elitare të Dubait. Në një intervistë eskluzive për Probizz.al Rada tregon se për të finalizuar një marrëveshje prone duhet vizion, punë dhe disiplinë.
Probizz.al: Kur e kuptuat që keni aftësi në pasuri të paluajtshme?
Gerta Rada: Kur fillova të ndërtoj marrëdhënie me klientët dhe sheh rezultatet e para, kupton që ky është pasioni yt.
Probizz.al: A është Dubai që ofron mundësi në këtë fushë, apo Gerta që i gjeti?
Gerta Rada: Dubai ka treg të jashtëzakonshëm, por puna dhe vizioni im janë ajo që bëjnë diferencën.
Probizz.al: Çfarë duhet të ketë një agjent për sukses?
Profesionalizëm, komunikim të mirë, njohuri të tregut dhe përkushtim ndaj klientit.
Probizz.al: Cila është prona më e madhe që keni shitur?
Gerta Rada: Pronat deri mbi 10 milion euro, por vlera më e madhe është kënaqësia e klientit.
Probizz.al: Videot në rrjete sociale që ju shpërndani janë në shqip me titra në anglisht, ka një arsye për këtë?
Gerta Rada: Po, për të komunikuar me shqiptarët dhe për të arritur audiencë ndërkombëtare.
Probizz.al: A ka shqiptarë që kanë blerë prona në Dubai?
Gerta Rada: Po, shumë shqiptarë kanë investuar dhe po rritet interesimi për tregun e Dubai-t.
Probizz.al: A mendoni se do të njohë rritje sektori i pasurive të paluajtshme?
Gerta Rada: Absolutisht, Dubai vazhdon të ofrojë projekte unike dhe mundësi të jashtëzakonshme.
