Coca-Cola ka publikuar reklamën e saj të re të festave, realizuar tërësisht me inteligjencë artificiale, në bashkëpunim me studion “Secret Level” në Los Anxhelos. Është një rishpikje e reklamës ikonike të kamionit të Krishtlindjeve, por këtë herë bota është e mbushur me kafshë të animuara. I vetmi njeri që ka mbetur është Babagjyshi, i rikrijuar nga pikturat origjinale të Coca-Colës që formësuan pamjen e tij moderne.
Reklama tregon sa shumë janë përmirësuar mjetet për video me inteligjencë artificiale që nga viti i kaluar. Coca-Cola thotë se ky version është “dhjetë herë më i mirë” se përpjekja e vitit 2024, e cila u përball me kritika të ashpra.
Teknologjia e re kap shprehjet e fytyrës së kafshëve në mënyrë tepër reale, duke i dhënë reklamës një ndjesi si nga filmat e Pixar, jo si një demonstrim teknologjik.
Coca-Cola e quan këtë një pikë kthese për përdorimin e inteligjencës artificiale në reklamat masive, duke bashkuar nostalgjinë me fuqinë e re krijuese.
“Vitin e kaluar njerëzit kritikuan mjeshtërinë e reklamës, por këtë vit ajo është dhjetë herë më e mirë. Do të ketë sërish njerëz që do të kritikojnë… Por xhindi ka dalë nga shishja dhe nuk ka më kthim pas”, tha Pratik Thakar, Zëvendëspresident Global dhe Drejtues i Inteligjencës Gjenerative në Coca-Cola.Tiranapost
