Një dyqan pop-up në Tokio u jep klientëve mundësinë të “vjedhin” sa të munden për vetëm 7 dollarë. Dyqani, i quajtur Hidden in Tokio, ofron një sfidë të pazakontë: për 7 dollarë, pjesëmarrësit kanë 60 sekonda kohë për të marrë sa më shumë produkte që munden të mbajnë me vete.
Nuk ka asnjë kufizim as për numrin e artikujve, as për vlerën e tyre, por ekziston një rregull i hekurt: gjithçka duhet bërë në heshtje absolute. Dyqani është i pajisur me mikrofona shumë të ndjeshëm dhe çdo zhurmë, sado e vogël, e ndërpret menjëherë përpjekjen.
Pas suksesit që pati vitin e kaluar, sfida e “vjedhjes në heshtje” do të rikthehet sërish në mars të vitit 2026.
Kujdes, çdo hap, përplasje apo tingull i vogël i kapur nga mikrofonat bën që loja të ndalet dhe të gjitha sendet e marra të kthehen menjëherë në raftet e dyqanit./Tirana post
