Prej vitit 1995, GAMA + MBM është shndërruar në një nga kompanitë më të konsoliduara në Shqipëri dhe rajon në fushën e projektimit, prodhimit dhe tregtimit të pajisjeve industriale për industrinë ushqimore dhe sektorin HoReCa. Me seli në zonën industriale Durrës–Tiranë, kompania operon sot me kapacitet të plotë në një hapësirë prej 4,000 m², ku përfshihen kapanone prodhimi, zyra administrative, departamente projektimi dhe showroom modern.
Falë eksperiencës shumëvjeçare dhe investimeve të vazhdueshme në teknologji dhe burime njerëzore, GAMA + MBM ka ndërtuar një profil profesional të besueshëm jo vetëm në Shqipëri, por në të gjithë rajonin e Ballkanit, duke shtrirë aktivitetin e saj në Kosovë, Maqedoninë e Veriut, Malin e Zi, Greqi dhe Bosnje-Hercegovinë.
Kompania është e specializuar në projektimin dhe prodhimin e pajisjeve industriale dhe aksesorëve për bar-restorante, pastiçeri, furra buke dhe prodhime brumi, si edhe në realizimin e produkteve të ndryshme prej inoksi për industrinë ushqimore dhe sektorin spitalor. Nga baxhot e bulmetit dhe sallameritë, deri te pajisjet profesionale për kuzhina industriale, GAMA + MBM ofron zgjidhje të personalizuara sipas kërkesave të tregut modern.
Një nga pikat më të forta të kompanisë mbetet stafi i kualifikuar, i përbërë nga arkitektë, projektues dhe inxhinierë, të mbështetur nga softuerë bashkëkohorë të projektimit 3D, si dhe teknikë profesionistë në fushat elektronike, elektrike dhe mekanike. Kjo i mundëson kompanisë të realizojë projekte funksionale, moderne dhe me standarde të larta cilësie.
Përkushtimi ndaj cilësisë dhe standardeve ndërkombëtare dëshmohet edhe nga certifikimet RINA dhe ISO, që GAMA + MBM disponon në design, prodhim dhe montim të aksesorëve të arredimit industrial.
Gjatë viteve, kompania ka ndërtuar bashkëpunime të rëndësishme me marka prestigjioze ndërkombëtare nga Italia, Gjermania, Amerika dhe Turqia, ndër të cilat përfshihen PADOVANI, FRYMASTER, TYLER, NIECO, MONDIAL FORNI, ROLLMATIC, PIZZAGROUP, TECNOINOX, OZTIRYAKILER dhe shumë të tjera.
Me një eksperiencë prej tre dekadash, GAMA + MBM vazhdon të mbetet një emër i rëndësishëm në tregun shqiptar dhe rajonal, duke sjellë profesionalizëm, teknologji moderne dhe zgjidhje të avancuara për industrinë ushqimore dhe sektorin e shërbimeve.
Kontakt
Autostrada Durrës – Tiranë, Km – 11, Koxhas, Xhafzotaj. Pas Autogrill Bosnja, Albania
Tel:
Email:
gamambm@gmail.com ; info@gamaindustri.com
