Prej mbrëmjes së të shtunës dhe të dielës, përkatësisht në orën 2:00 të mëngjesit, do të hyjë në fuqi ora verore. Pra akrepat do të shkojnë një orë para. Ne duhet të kujdesemi t’i zhvendosim ato nga 2 në 3 të mëngjesit.
Këtë ndryshim do ta kemi deri në fundin e tetorit të ardhshëm, kur akrepat e orës do të kthehen pas dhe do të kalojnë sërish në orën diellore.
Parlamenti Europian është ai që ka miratuar propozimin për shfuqizimin e ndryshimit stinor, që fillon nga 2021. Ama, përsëri ka disa vende, të cilët kanë vendosur të mos e bëjnë këtë. Ata duan t’i qëndrojnë besnik orarit të dyfishtë.
Ekspertët rekomandojnë që ditën pas ndërrimit të orës, pra të hënën, veçanërisht shoferët e automjeteve duhet të tregojnë kujdes dhe të ruajnë qetësinë, për shkak se ky fenomen sjell rritjen e aksidenteve rrugore nga pagjumësia dhe nxitimit. /Probizz.al/
