Earl Simmons, i njohur më mirë si reperi DMX, ka ndërruar jetë në moshën 50 vjeçare. Sipas një deklarate nga familja e tij, ai vdiq sot në Spitalin White Plains.
“Earl ishte një luftëtar i cili luftoi deri në fund. Ai e donte familjen e tij me gjithë zemër dhe ne e çmojmë kohën që kaluam me të. Muzika e Earl frymëzoi adhurues të panumërt në të gjithë botën dhe trashëgimia e tij ikonike do të jetojë përgjithmonë. Ne e vlerësojmë gjithë dashurinë dhe mbështetjen gjatë kësaj kohe tepër të vështirë, “- thonin ata në deklaratë.
Artisti ishte shtruar në spital që nga java e kaluar kur pësoi një sulm në zemër në shtëpinë e tij në New York, sipas avokatit të tij të vjetër, Murray Richman. Më poshtë do të gjeni një nga këngët e tij më të pëlqyera./Probizz.al/
