Festat e fundvitit janë periudha ideale për të udhëtuar për shumë qytetarë. Nga destinacionet më të afërta, tek ato më të largëta, duket se tashmë rezervimet janë drejt fundit. Operatori turistik Aneo Hila thotë se përgatitjet fillojnë disa muaj përpara, pasi dhjetori sjell rritje çmimesh.
Megjithatë, vendet europiane nuk janë e vetmja zgjidhje për shqiptarët, pasi edhe vendi ynë ka potencial për një ofertë gjithëpërfshirëse, që i përgjigjet kërkesave të shumëkujt.
Përveç destinacioneve klasike të fundvitit, duke qenë një vend me emigrim masiv, qytetarët shqiptarë priren të shkojnë në ato destinacione ku kanë të afërmit e tyre, në rastet kur emigrantët nuk kthehen në Shqipëri për festa./Scan
