Instagram po ofron shuma masive parash për krijuesit që postojnë video në Reels, konkurrentin e TikTok, siç theksohet në një dy raporte nga TechCrunch dhe Business Insider. Instagram njoftoi programin e tij të bonusit për Reels në korrik, kur CEO i Meta Mark Zuckerberg tha se kompania do t’u paguante 1 miliard dollarë krijuesve deri në vitin 2022.
Këto raporte hedhin dritë se sa krijues individualë po ofrohen për Reels e tyre dhe sa shikime duhet të marrin për të marrë shpërblimin maksimal të bonusit.
Përmes një postimi në Reddit, TechCrunch tregoi se një personi i ishte ofruar deri në $35,000 nëse një Reel i tij do të kapte 58.31 milionë views në një muaj.
:no_upscale()/cdn.vox-cdn.com/uploads/chorus_asset/file/23008243/Image_from_iOS__2_.png)
Ndërkohë, krijuesve më të vegjël u janë ofruar shuma shumë më modeste. Maddy Corbin, një krijuese me rreth 52,000 ndjekës në Instagram tregon se asaj i është ofruar një shumë prej $1,000, por ajo njeh dhe persona të tjerë të cilëve i janë ofruar më pak para, $600 ose $800. TechCrunch raporton se këto bonuse duket se po rriten me kalimin e kohës – një krijuesi tjetër me 24,000 ndjekës në Instagram, së fundmi iu ofruan 8,500 dollarë për 9.28 milionë shikime. E njëjta pagesë iu ofrua një anëtari të stafit të Verge me 15,000 ndjekës.
Duket se nuk ka ndonjë rregull të fortë se si shumat e pagesave korrespondojnë me numrin e ndjekësve.
Instagram thotë se programi është në fazat e hershme dhe se është ende duke eksperimentuar me formatin.
Nga ana e tij, TikTok duket se nuk është i shqetësuar nga shuma e parave që hidhen nga konkurrentët e tij. Në fund të shtatorit, ajo njoftoi se kishte kaluar shifrën e 1 miliard përdoruesve aktivë mujorë.
Burimi: The Verge
