Libri i parë për fëmijë i Meghan Markle është plot “momente të vogla të ëmbla” që janë domethënëse për familjen e saj.
Dukesha e Sussex u bashkua me NPR Weekend Edition të dielën për të folur rreth ‘The Bench’, libri për të cilin u frymëzua nga një poezi që ajo i shkroi burrit Princ Harry për Ditën e Babait 2019, vetëm disa javë pasi çifti mirëpriti fëmijën e tyre të parë, djalin Archie. (Më 4 qershor, ata u bënë prindër të dy fëmijëve me lindjen e vajzës së tyre, Lilibet Diana.)
Meghan, 39 vjeç, zbuloi se libri paraqitet një lule delikate të llojit të saj të preferuar për vjehrrën e saj të ndjerë, Princeshën Diana.
“Unë mendoj se mund të gjesh momente të ëmbla që kemi futur atje, nga lulja ime e preferuar, madje edhe lulja e preferuar e nënës së burrit tim, ‘forget-me-nots‘, ne donim të siguroheshim që ato ishin përfshirë atje”,-tha ajo. “Ka shumë detaje dhe dashuri të veçantë që hynë në atë libër.”
Kjo nuk është hera e parë që Meghan dhe Princi Harry, 36 vjeç, i bëjnë homazhe Princeshës Diana me lulen e saj të preferuar. Menjëherë pas lindjes së Archie, çifti festoi Ditën e Nënës duke ndarë një foto të Meghan duke mbajtur Archie mbi një fushë me lulet ‘forget-me-nots‘.
Meghan gjithashtu përfshiu familjen e saj në libër, duke përfshirë disa ilustrime që përfaqësonin Harry dhe Archie. Dhe në vizatimin përfundimtar, Meghan shihet duke mbajtur një foshnjë – një lule për beben Lili, siç prindërit planifikojnë ta thërrasin – dhe e rrethuar nga dy qen dhe pula të familjes.
“Unë kisha nevojë për vajzat e mia atje“,-tha Meghan për NPR për pulat, të cilat ajo tregoi gjatë intervistës së saj me Oprah Winfrey që u transmetua në mars.
Duke folur me NPR, Meghan tregoi se djali 2-vjeçar Archie është një fans i madh i The Bench.
“Archie e do librin“,-tha Meghan në intervistë, e cila u regjistrua para se ajo të mirëpriste vajzën Lili. “Ai ka një oreks të pangopur për libra dhe vazhdimisht kur i lexojmë një libër ai thotë ” Përsëri, përsëri”.”
“Tani fakti që ai e do The Bench dhe ne mund të themi, “Mami e shkroi këtë për ty”, ndihet mahnitëse“,-shtoi ajo.
Burimi: PEOPLE
