Nëse shtëpitë me vlerë 1 dollarë për shitje në Itali nuk ishin një marrëveshje mjaft tërheqëse për ju, merrni parasysh blerjen e një shtëpie në Kroaci për 15 cent.
Në Legrad, i vendosur në Kroacinë veriore, ka shtëpi dhe sheshe ndërtimi në treg për 0,15 dollarë – një çmim simbolik. Por jo të gjithë mund ta blejnë një të tillë.
Aplikantët duhet të jenë nën 45 vjeç, në një partneritet martesor ose jashtëmartesor, të mos kenë histori kriminale dhe nuk mund të kenë pronë në vend. Business Insider ka kontaktuar me qeverinë kroate dhe zyrtarët lokalë të Legradit për informacion të mëtejshëm mbi përcaktimet dhe nëse programi ka ndryshuar që nga prezantimi i tij.
Shtëpitë praktikisht të lira janë pjesë e përpjekjeve të qytetit të vogël për të rritur popullsinë e tij prej 2,000 banorësh. Nisma erdhi për herë të parë më shumë se pesë vjet më parë dhe njihet si politika “shtëpi për një qindarkë”, njoftoi HRT.
Ka më shumë fëmijë në Legrad që kur politika hyri në fuqi vite më parë, dhe si rezultat bashkia po ndërton kopshtin e saj të parë.
“Janë shitur gjithsej pesë shtëpi të gatshme për banim. Tri familje tashmë janë shpërngulur dhe ajo që na gëzon është se të tre familjet kanë pritur një anëtar të ri gjatë shpërnguljes së tyre. Kjo ka rritur numrin e fëmijëve në çerdhe. ”, tha për HRT Ivan Saboliq, kryetari i Legradit.
Shtëpitë e disponueshme kanë nivele të ndryshme nevojash riparimi. Kur 19 shtëpi u nxorën në shitje në 2021 për rreth 0,14 dollarë, Legrad ofroi të paguante 3,558 dollarë për rinovimet e nevojshme, raportoi Reuters. Banorët duhej të pranonin të qëndronin për të paktën 15 vjet në atë kohë, por është e paqartë nëse këto kushte janë pjesë e marrëveshjes për këtë raund të shtëpive të disponueshme.
Përkthyer dhe përshtatur nga Businessinsider për Probizz.al
