Tarifat pritet të fillojnë të shfaqen më shumë në çmimet e konsumit me fillimin e sezonit të blerjeve të festave.
Ndërsa ndikimi deri më tani këtë vit ka qenë i zbehtë, tarifat pritet rrisin çmimet për konsumatorët të njëjta me ato që paguajnë pikërisht në kohën e sezonit të blerjeve për festat e fundvitit.
Tarifat e Presidentit Donald Trump për një mori artikujsh dhe disa vende, të cilat filluan në prill, kanë përkuar me masat e zakonshme të inflacionit që lëvizin midis 2.5% dhe 3% këtë vit.
Ekonomistët nuk shohin një rritje të madhe në masat e zakonshme siç janë indekset e çmimeve të konsumit dhe të çmimeve të konsumit personal, ata presin që tarifat do t’i mbajnë këto tregues të lartë në një kohë që duhet të pësonin ulje.
“Ka pasur disa pyetje në muajt e fundit nëse tarifat kanë çuar në inflacion më të lartë për konsumatorët,” tha ekonomisti i Bank of America, Aditya Bhave, në një shënim. “Ne mendojmë se nuk ka diskutim – tarifat i kanë shtyrë çmimet e konsumit më lart.”
Me tarifat, Banka e Amerikës vlerëson se norma e inflacionit do të ishte 2.9 % në shtator, kështu që pa to kjo do të thoshte një masë më afër 2.4%. Shifrat janë të ngjashme me ato që përmendi Kryetari i Rezervës Federale, Jerome Powell, të mërkurën.
Përkthyer dhe përshtatur nga CNBC për Probizz.al
