Një tren elektrik me bateri ka vendosur një rekord botëror për udhëtimin më të gjatë me një karikim të vetëm, duke përshkuar rreth 322 kilometra.
Sipas Great Western Railway (GWR), kjo arritje tregon se trenat me bateri mund të jenë një alternativë e vlefshme dhe më ekonomike krahasuar me trenat me naftë në të ardhmen.
Rekordi u arrit duke operuar në modalitetin ‘SuperMode’ – me shpejtësi nga 30 deri në 40 milje në orë dhe pa sistem ngrohjeje. Sipas GWR, treni do të mund të përshkonte rreth 120 milje edhe nëse udhëtonte me shpejtësinë e plotë prej 60 mph.
Treni është i pajisur me gjashtë bateri që përdorin një përzierje kimike hibride dhe ka gjithashtu me një sistem të ri karikimi të shpejtë, që nuk u përdor gjatë përpjekjes për rekord.
Testi tregoi gjithashtu përfitime të mëdha mjedisore: treni me bateri shfaqi një ulje prej 80% të emetimeve totale të karbonit, krahasuar me një tren me naftë. Udhëtimi rekord është verifikuar nga Shoqata e Performancës së Hekurudhave, që analizon performancën e rrjetit hekurudhor në Mbretërinë e Bashkuar.
