Rregullatori evropian i ilaçeve njoftoi se 3 simptoma të reja, të raportuara nga një numër i vogël njerëzish pas vaksinimit me Pfizer dhe Moderna, po studiohen për të vlerësuar nëse mund të jenë efekte anësore të mundshme të vaksinave.
Eritema multiforme, një formë e reaksionit alergjik të lëkurës; glomerulonefrit ose inflamacion i veshkave; dhe sindroma nefrotike, një çrregullim renal i karakterizuar nga humbje të mëdha të proteinave urinare, janë duke u studiuar nga komiteti i sigurisë i Agjencisë Evropiane të Barnave (EMA).
Mbikëqyrësit nuk dhanë detaje se sa raste me simptomat e reja u regjistruan, por thanë se kishin kërkuar më shumë të dhëna nga kompanitë.
Muajin e kaluar, EMA gjeti një lidhje të mundshme midis inflamacionit shumë të rrallë të zemrës dhe vaksinave mRNA. Megjithatë, rregullatori evropian dhe Organizata Botërore e Shëndetësisë kanë theksuar se përfitimet nga këto vaksina tejkalojnë çdo rrezik.
Burimi: Reuters
