Punimet ne aksin Elbasan-Qafë Thanë , pjesë e korridorit VIII janë inspektuar nga kryeministri Edi Rama i shoqëruar edhe nga zv/kryeministrja Belinda Balluku .
Kreu i Qeverisë, deklaron se në total ka përfunduar 42% e punimeve.
“Në kantierin e aksit Elbasan-Qafë Thanë, pjesë e Korridorit VIII, që falë Samitit të BE në Tiranë hyri më në fund në korridoret europiane pas vitesh të tëra “luftë” dhe së bashku me aksin Durrës – Prishtinë – Nish do t’i japë përfundimisht Portit të Ri Tregtar të Durrësit rolin e shumëdëshiruar strategjik, si nyje lidhëse Lindje – Perëndim për lëvizjen e mallrave.
Po punohet sipas grafikut të përcaktuar për këtë lot të rëndësishëm, i cili është në fazën e përgatitjes për hedhjen e shtresave asfaltike”.
Deri tani janë realizuar 95 % e veprave të artit si dhe ka përfunduar mbrojtja lumore .
