“POUR BEBE” BIZNESI QË “LINDI” BASHKË ME FËMIJËN E ÇIFTIT MURATAJ

Nuk thonë kot që fëmija vjen me mbarësi, një gjë të tillë padyshim e ka sjellë vajza e çiftit Florjan dhe Eli Murataj. Kur Eli Dëraj Murataj ishte me leje lindje,afro 4 vite më parë, ajo filloi të mendonte një angazhim ,por që të kishte mundësi ti rrinte edhe vajzës pranë.

Teksa e vogla rritej, biznesin e menduan ta lidhin pikërisht me bebet, për t’u kthyer më pas dyqani i çdo bebi.

Për Probizz.al, çifti Murataj tregon se në fillim biznesin e nisën me një dyqan të vogël me pak produkte, por që ashtu si fëmija e tyre edhe dyqani nisi vit pas viti të rritet dhe të shtojë gamën e artikujve.

Me vendndodhje në Yzberisht në Tiranë, “Pour Bebe” prej më shumë se 4 vitesh ofron nga produktet më të vogla e deri tek ato më të rëndësishmet për bebet e mamat.

“Si fillim merremi me nënat në pritje, ju ofrojmë jastik shtatzanie për një gjumë sa më të rehatshëm, veshjet intime, kostume komode gjumi, kremrat e nevojshëm, pompat e gjirit etj. Për bebushat pastaj fillojmë nga të sapolindur, e deri rreth 3, 4 vjec dhe ofrojmë të gjithë aksesorët që duhen nga më të vegjlit e deri tek krevati dhe karrocat.”-shprehet Eli që i rri në kokë këtij biznesi.

Teksa tregu është i tejmbushur me produkte nga më të ndryshmet, “Pour Bebe” dallon nga të tjerët për idetë inovative, setet që kombinon dhe formon plot larmishmëri dhe padyshim për shërbimin e shpejtë dhe korrekt.

Nëse një biznes nuk drejtohet me pasion vështirë të funksionojë. Kjo nuk mungon tek çifti Murataj.

“Unë dhe bashkëshorti jemi mësues me profesion, por është vështirë ta bësh një punë nëse nuk e do, nëse nuk e gjen vetën. Ndërsa ky biznes na jep një kënaqësi, na plotëson. Kur ne zgjedhim gjërat e bebeve unë dhe burri përjetojmë emocione si kur ti zgjedhim për bebet tona (nuk e marrim dicka nese fëmijës sonë s’do ja përdornim). Kur unë bëj sete materniteti me mamat në dyqan më jep aq shumë dashuri. I ndjekim bebet e vogla, p.sh që kur janë në barkun e mamit, kur vijnë për relaks, për veshjet 3-6 muaj ,koleksionet e reja, karrige ushqimi, soxholinoTriciklaetj… Ne rritemi së bashku me këta bebusha”- shprehet plot pasion Eli.

Kërkesat për këto produkte nuk mungojnë, e sidomos kur vjen puna tek cilësia e lartë që ofron “Pour Bebe”.

Dyqani i bebit tuaj vjen edhe me lajme pozitive.

“Zhvillimi është progresiv falë zotit! Nga një biznes i vogël,i hapur me shumë lekë borxh dhe me shumë pak produkte, në një biznes me një gjendje të kënaqshme. Për më teper jemi në zgjerim, shumë shpejt vijmë me një dyqan të ri.”- shprehet Eli Dëraj Murataj.

“Pour Bebe” gjendet fizikisht në rrugën Tre Dëshmorët, Yzberisht, Tiranë.