I shoqëruar nga zv/kryeministrja Belinda Balluku, njëherësh ministre e Infrastrukturës dhe Energjisë, kryeministri Edi Rama inspektoi dy rrugët e sapopërfunduara, që lidhin qytetin e Peshkopisë me fshatin Rabdisht, ndër 100 fshatrat e programit të posaçëm të turizmit rural.
“Kjo është parajsë komplet, nuk diskutohet që këto akse e kanë hapur shumë perspektivën. Numri i bujtinave që rritet e tregon këtë, por duhet shtyrë më shumë përpara. Po mendojmë disa incentiva të reja”, u shpreh ai.
Kryeministri garantoi se turizmi i llixhave do të fuqizohet me një plan investimesh publike dhe private.
“Llixhat duhet t’i marri një operator ndërkombëtar i strukturave që merret me ujërat termale. Ujërat termale në asnjë vend nuk i mban shteti. Janë me operatorë që bëjnë atë punë. Tani infrastruktura është bërë dhe Tirana është afër. Hyrja e rrugës së Maqellarës me Peshkopinë do mbarojë, edhe tuneli i Murrizit do mbarojë, se s’ka ku të shkojë, dhe pastaj gjithçka do të marri prapë një energji tjetër”, tha Rama.
