Autoritetet në Mbretërinë e Bashkuar kanë nisur një hetim për Only Fans. Dyshohet se në videot me përmbajtje për të rritur kanë akses edhe fëmijët pasi mungojnë kontrollet e verifikimit të moshës .

“Ne kemi arsye të dyshojmë se platforma nuk ka zbatuar masat e saj të verifikimit të moshës në mënyrë të tillë që të mbrojë mjaftueshëm nën 18-vjeçarët nga materiali pornografik,” tha në një deklaratë rregullatori Ofcom .

Ofcom po heton gjithashtu nëse OnlyFans nuk arriti të “siguronte informacion të plotë dhe të saktë” kur u pyet nga rregullatori në lidhje me masat mbrojtëse. Kur regjistroheni në faqen e transmetimit, fytyrat e përdoruesve skanohen nga softueri që vlerëson moshën e tyre.

Nëse skanimi automatik dështon, ata duhet të ofrojnë dëshmi identiteti, si leje drejtimi ose pasaportë.

OnlyFans shpjegoi se kohët e fundit kishte përjetuar vështirësi teknike të cilat kishin ndikuar në disa kufi moshe.

OnlyFans pretendoi se kishte raportuar në mënyrë “proaktive” gabimin tek Ofcom dhe se po punon “për të zbatuar dhe zhvilluar praktikat më të mira për sigurinë në internet, duke përfshirë përdorimin e teknologjisë së sigurimit të moshës”.

Përkthyer dhe përshtatur nga Euronews për Probizz.al