Ushqimi luan një rol të rëndësishem në humbjen e peshës apo në shtimin e peshës.
Disa nga perimet që rekomandohen për tu dobësuar janë:
Spinaqi: Kjo perime me gjethe jeshile ka pak kalori, por edhe shumë fibra dhe lëndë ushqyese të tjera thelbësore, gjë që e bën atë një ushqim ideal për humbje peshe.
Brokoli: Perimja është e pasur me fibra dhe ka veti kundër kancerit. Ngrënia e brokolit mund t’ju ndihmojë të qëndroni të ngopur më gjatë, duke ndikuar në humbjen e peshës.
Bizelet: Kjo perime e vogël me niseshte është e pasur me proteina dhe fibra, të cilat ndihmojnë në frenimin e urisë. Mund ta shtoni si pjatë anësore, të bëni supë, gjellë dhe ushqime të ngjashme.
Lulelakra: Ashtu si brokoli, lulelakra është një perime me pak karbohidrate që mund të jetë e shkëlqyeshme për humbje peshe.
Specat: Specat janë perime që janë burim i vitaminës C dhe kanë pak kalori. Ato përbëhen nga 90 për qind ujë, gjë që i bën ato super efektive për humbjen e peshës dhe kufizimin e konsumit të kalorive.
