Kalendari i Javës Globale të Sipërmarrjes 2024 në Shqipëri është gati!
Java Ndërkombëtare e Sipërmarrjes rikthehet në Tiranë nga datat 18-25 nëntor, me aktivitete të rëndësishme ku do të mblidhen së bashku novatorë, sipërmarrës dhe biznese nga shumë vende të botës.
GEW Albania do të ketë në fokus rritjen e ndërveprimit midis të gjithë aktorëve për të zhvilluar shpirtin sipërmarrës dhe për të dhënë mundësi aksesi në rrjete të ndryshme.
Pritet të organizohen sesione ku do të vijnë histori suksesesh sipërmarrje kombëtare dhe ndërkombëtare, takime me mentorë; programe aftësimi me partnerë të ndryshëm; diskutime me gratë sipërmarrëse, të rinj ambiciozë dhe drejtues biznesesh; diskutime në panele, prezantime dhe raporte të industrive; vizita në biznese dhe takime me drejtues të korporatave të huaja dhe vendase.
Kjo javë do të mbledhë së bashku themelues biznesesh, investitorë, ekspertë të sipërmarrjes nga e gjithë bota, duke ofruar mundësi për zhvillimin e ideve dhe projekteve të reja.
