Besimtarët myslimanë e përjetojnë në mënyrë shumë të veçantë muajin e shenjtë të Ramazanit. Gjatë këtij muaji besimtarët agjërojnë duke i dhënë trupit mundësinë për rigjenerim dhe pastrim shpirtëror.
Nevojitet shumë kujdes për të ruajtur energjinë dhe shëndetin gjatë kësaj periudhe dhe të bëhet zgjedhja e duhur e ushqimeve që konsumohen.
Po çfarë duhet të konsumohet gjatë muajit të Ramazanit?
Duhet të shmangen tavolinat e mbushura pasi konsumimi i tepërt nuk e lejon trupin të pushojë dhe trurin të punojë siç duhet.
Konsumoni supëra me perime, mish pule, peshkun, fibra dhe shmangni mishin e kuq çdo ditë .
Në muajin e Ramazanit sugjerohen edhe Hurmat e Arabisë, kanë fruktozën që i duhet trupit për energji dhe nuk kërkon shumë kohë që të treten . Ato të japin shumë energji që të mbajnë gjatë dhe të frenon etjen.
Ndërsa personat që vuajnë nga sëmundje të ndryshme duhet të konsultohen me mjekë para se të agjërojnë .
