Kërkimet online gjatë ditëve të fundit tregojnë një miks interesash në vend, nga sporti dhe moti te informacionet praktike dhe destinacionet turistike. Disa terma kanë shënuar rritje të forta, duke reflektuar temat që kanë tërhequr më shumë vëmendjen e përdoruesve.
Në krye të listës së kërkimeve me rritjen më të madhe është “stuhia”, e cila ka regjistruar një rritje të jashtëzakonshme prej 2,100%. Pas saj renditet filmi “The Odyssey”, me 700%, ndërsa “Wetter”, termi në gjuhën gjermane për motin, është rritur me 70%.
Interesi për kushtet atmosferike shfaqet edhe përmes kërkimit “gradë celsius”, i cili është rritur me 100%. Kjo tregon se krahas lajmeve dhe ngjarjeve të ditës, përdoruesit po kërkojnë edhe informacion të drejtpërdrejtë mbi motin dhe temperaturat.
Sporti mbetet një nga temat kryesore
Një pjesë e konsiderueshme e kërkimeve lidhet me futbollin. Ndeshjet dhe përballjet ndërkombëtare kanë sjellë rritje të forta të interesit, ndërsa në Shqipëri vëmendja është përqendruar edhe te klubet dhe futbollistët shqiptarë.
Saranda shfaqet në disa prej kërkimeve
Vëmendja online është drejtuar edhe te Shqipëria. Termi “ualbania” është rritur me 100%, duke pasur kërkesë të lartë për shkak se është periudha kur maturantët aplikojnë për degët universitare.
Në listë bie në sy edhe “Saranda”, me një rritje prej 40% të kërkimeve. Prania e qytetit bregdetar në trendet e Google vjen në kulmin e sezonit veror, kur destinacionet turistike shqiptare marrin vëmendje të madhe nga vizitorët vendas dhe të huaj.
Kërkohen edhe shërbime dhe informacion praktik
Përtej sportit dhe turizmit, përdoruesit po kërkojnë edhe informacione që lidhen drejtpërdrejt me nevojat e përditshme. “Kursi i këmbimit” ka regjistruar një rritje prej 110%, ndërsa kërkimi për “traduction” dhe “traduttore” është rritur me nga 60%, duke sinjalizuar interes për përkthime dhe shërbime gjuhësore.
Edhe Real Madrid C.F. dhe Lamine Yamal janë mes termave në rritje, ndërsa kërkimi për “Real Madrid C.F.” është rritur me 100% dhe ai për “Lamine Yamal” me 60%.
Në tërësi, lista tregon se kërkimet më të fundit janë të ndara mes ngjarjeve të momentit, sportit, motit, informacionit praktik dhe turizmit, ndërsa disa terma që lidhen drejtpërdrejt me Shqipërinë vijojnë të kenë rritje të dukshme në interesin online./Scan
