Menjëherë pasi Donald Trump njoftoi armëpushim të përkohshëm dyjavor , çmimet e naftës kanë shënuar një rënie ndërsa tregjet e aksioneve janë rritur ndjeshëm.
Sipas deklaratave nga Irani, kalimi në Ngushtica e Hormuzit do të mbetet i hapur gjatë kësaj periudhe, nën mbikëqyrjen e ushtrisë iraniane. Ky zhvillim uli menjëherë tensionet në tregjet globale.
Si pasojë, nafta bruto Brent ra me rreth 14.4%, duke zbritur në 93.48 dollarë për fuçi, ndërsa nafta amerikane shënoi një rënie prej 14.7%, në 96.27 dollarë. Megjithatë, çmimet vazhdojnë të jenë dukshëm më të larta krahasuar me nivelet para konfliktit.
Në të njëjtën kohë, tregjet aziatike reaguan pozitivisht. Indeksi japonez Nikkei 225 u rrit me 5%, ndërsa indekse të tjera si S&P/ASX 200 në Australi, Kospi në Korenë e Jugut dhe Hang Seng në Hong Kong shënuan gjithashtu rritje të ndjeshme.
