Në qendër të Brukselit do ju mirëpresë me 8 mars një ekspozitë me punimet personale të artistit Egli Cekrezit. Mbahet në këtë datë pasi i dedikohet nënës së tij dhe të gjithë nënave shqiptare. Ky event kulturor vjen edhe me një qëllim shumë të madh pasi të ardhurat nga kjo ekspozitë do të shkojnë për të realizuar ndërhyrjen për rikthimin e shikimit të një të riu.
Kur nisët t’i dedikoheshit pikturës, sa e rëndësishme është për ju?
Kam nisur të pikturoj nga mosha 12 vjeç. Piktura është një formë arti që shpreh ndjenjat, emocionet dhe mendimet e mia përmes ngjyrave. Për mua është pasion, punë, edhe jetë!
Pse zgjodhët që pikërisht ekspozitën ta hapnit në Bruksel?
Do të zgjidhja çdo shtet tjetër, por këtu mu dha mundësia e parë. Këtu nuk të kërkon njeri as diplomë e as licencë.! Këtu mjafton të jesh Artist. Në Shqipërinë time të dashur, nuk mu dha mundësia kurrë edhe pse e kam kërkuar shumë.
Ndoshta sepse nuk jam arsimuar për artet e bukura pasi nuk ma aprovuan. Mund të them se kam aq shumë punime sa ka akademia e arteve të bukura e gjithë bashkë me pedagogët e saj. Unë kam punime personale dhe i falenderoj që nuk ma dhanë mundësinë.!
Edhe punimet i dedikohen nënës meqë bëhet me 8 mars?
Po ja dedikoj nënës time dhe të gjithë nënave shqiptare duke ndihmuar një familje në nevojë.
Mendoni që kur ka një mision fisnik ekspozita mund të jetë edhe më e suksesshme?
Mendoj se nga gjithë ato kërkesa për ta bërë këtë ekspozitë do ishte mënyra e duhur të tregoj që jo çdo gjë bëhet për para, dhe asgjë nuk bëhet pa para. Duke biseduar me një mikun tim një ditë aktorin dhe artistin shqiptar Bes Kallakun menduam të marrim nismën që si unë nga ekspozita ime edhe dicka nga Besi, të ndihmojmë një djalë të bëjë operacion që ti kthejmë shikimin e njërit sy.
A po planifikoni një shtet të dytë për ekspozitën ??
Po ke të drejtë kam shumë plane në të ardhmen, po ja lëmë kohës më mirë!
