Një shqetësim shëndetësor që po ndeshet shpesh është Dermatiti i Kontaktit. Në klinikat dermatologjike paraqiten çdo ditë pacientë me inflamacion të lëkurës dhe që shkaktohet nga kontakti i drejtëpërdrejtë me substanca të jashtme.
Farmacistja Brunilda Hoxha për Probizz.al thotë se për ta trajtuar në mënyrë efektive, është jetike të kuptohet se ekzistojnë dy forma kryesore të cilat kanë shkaqe të ndryshme.
Llojet e Dermatitit të Kontaktit
Dermatiti i Kontaktit Irritues: Kjo formë shkaktohet kur lëkura bie në kontakt me një substancë irrituese.
Mund të jetë një irritues i fortë dhe primar, si acidet ose kimikatet industriale që shkakojnë dëmtim të menjëhershëm.
Ekspozim i përsëritur dhe afatgjatë ndaj substancave më të buta të quajtura irritues sekondarë, si sapunet, detergjentët, shampot dhe lëngjet e disa bimëve. Kontakti i vazhdueshëm me to e dobëson barrierën e lëkurës duke shkaktuar probleme.
Dermatiti Alergjik i Kontaktit
Farmacistja Brunilda Hoxha informon se ky lloj ndodh kur sistemi imunologjik i trupit reagon ndaj një substance specifike( të quajtur alergjen) me të cilën individi është bërë i ndjeshëm më parë. Shembuj klasikë të alergjenëve përfshijnë:
Nikeli: Një metal i gjetur zakonisht në bizhuteri, rripa orësh dhe kopsa
Aroma (parfume) dhe lëndë konservuese të përdorura në shumë produkte të kujdesit personal si shampo, kremra dhe produkte kozmetike.
Si manifestohet Dermatiti në faza të ndryshme?
Simptomat e dermatitit të kontaktit ndryshojnë duke kaluar nga një fazë në tjetrën.
Në fazën Akute, lëkura zakonisht është e skuqur, e njollosur dhe shfaqen flluska të vogla me ujë.
Në fazën Kronike, për shkak të kruajtjes dhe irritimit të vazhdueshëm lëkura bëhet më e thatë dhe më e trashë.
Trajtimi dhe Parandalimi
Trajtimi më i mirë dhe më i efektshëm për Dermatitin e Kontaktit mbetet parandalimi. Kjo do të thotë shmangie e substancave që shkaktojnë irritimin ose reaksionin alergjik.
Roli i kremrave të përgatitur individualisht nga Farmaci Bruna
Për shkak se shkaqet dhe simptomat e dermatitit ndryshojnë nga një person në tjetrin , një qasje standarte e përshtatshme për të gjithë, shpesh nuk mjafton. Nën kujdesin e vecantë dhe profesionalizmin e saj , farmacistja Brunilda Hoxha ofron zgjidhje të personalizuara. Ingredientët e kremit përcaktohen me kujdes sipas gjendjes specifike dhe simptomave të pacienttit. Qëllimi kryesor është të ofrojë lehtësim të simptomave të Dermatitit, duke iu përshtatur plotësisht nevojave të lëkurës suaj, me një efektshmëri maksimale.
Disa masa parandaluese
-Identifikoni dhe shmangni të gjitha substancat (irrituese ose alergjenet) për të cilat keni dijeni se ju shkaktojnë probleme.
-Mbrohuni fizikisht duke përdorur doreza kur punoni me detergjentë, pastrues ose kimikate të tjera.
-Zgjidhni me kujdes produktet e kujdesit personal. Përzgjidhni sapunat dhe produktet pa aroma ose pa ngjyra duke ulur rrezikun e irritimit.
-Përdorni kremra mbojtjes të formuluar posacërisht për të krijuar një barrierë fizike midis lëkurës suaj dhe substancave irrituese të jashtme.
-Lani menjëherë zonën e prekur me shumë ujë të ngrohtë nëse keni pasur kontakt aksidental me një substancë që ju shkakton probleme.
Kur duhet të kërkoni ndihmë profesionale?
Nëse simptomat tuaja janë të rënda nuk përmirësohen me kujdesin në shtepi ose nëse nuk jeni të sigurt për shkakun e vërtetë të irritimit është e rëndësishmë të konsultoheni më një mjek dermatolog i cili do të ekzaminojë gjendjen tuaj .
