Ndërsa i gjithë njerëzimi po hasej me një problematikë të paparashikuar gjatë periudhës së pandemisë, komunikimi në distancë u bë i domosdoshëm për të rritur sigurinë shëndetësore te të gjithë njerëzit.
Duke parë rrethanat ku gjendeshim, Todi Karolit një sipërmarrës i ri dhe me vizion, i lindi ideja e Go Taps. Todi ka studiuar në Fakultetin e Shkencave të Natyrës, Universiteti i Tiranës në degën e informatikës. Në nevojën për të shkëmbyer në mënyrë të shpejtë dhe të sigurt të dhënat apo informacionin me njëri-tjetrin, ai filloi të studionte me detaje teknologjinë e komunikimin MFS, komunikimi në distancë të shkurtër dhe e pa atë si një mundësi të vlefshme për shpërndarjen e informacionit.
Për të realizuar këtë projekt u është dashur një periudhë disa mujore për të arritur në formën që ata dëshironin që ky aplikacion të ishte me funksionalitetet dhe performancën e tij. Go Taps do të shndërrohet gjithashtu në një ekosistem global, pra për t’u përdorut kudo në çdo industri dhe në çdo vend të botës, duke filluar me bizneset, restorantet, kafshët dhe institucioneve shtetërore dhe bankare.
Qëllimi i këtij aplikacioni është t’u krijojë mundësi njerëzve të shpërndajnë informacionet e tyre në mënyrë korrekte dhe të shpejtë. Shpërndarja e informacioneve bëhet lehtësisht përmes një prekje të thjeshtë me smartphone-n tuaj. Gjithashtu ofron mundësinë e shpërndarjes së rrjeteve tuaja sociale, email, website, kontakteve, pasaportën tuaj të vaksinimit etj.
Por nuk ngelet vetëm me kaq sepse me Go Taps mund të kryeni pagesa online në platformat PayPal, Stripe etj. Pra mundëson anashkalimin e përdorimit të pagesave cash.
Go Taps është një shërbim dhe produkt shumë efiçent pasi mundëson shkurtimin e kohës në transferimin e të dhënave dhe pagesave. Me Go Taps nuk është e nevojshme të keni shpenzime mujore apo vjetore, pasi aplikacioni ofrohet falas në platformat AppleStore dhe PlayStore. Pra ju duhet vetëm ta shkarkoni dhe instaloni atë.
Një avantazh tjetër i Go Taps është që të dhënat ruhen automatikisht në smartphone-n tuaj. Personi tjetër nuk e ka të domosdoshme të ketë aplikacionin apo një nga divajset për të marrë informacionet që ju i mundësoni. Aplikacioni funksionon në çdo smartphone. Mundësitë për Go Taps janë të pakufijshme. Etiketat Go, kartat Go, Go animals, e cila përdoret për të identifikuar kafshën tuaj në rast se ajo largohet nga shtëpia juaj, janë disa nga divajset që Go Taps mundëson. Aplikacioni ofron një siguri maksimale për shkak se përdor protokolle dhe elemente sigurie shumë të avancuar.
“Mënyra më e mirë për të parashikuar të ardhmen është ta shpikësh atë.”- thotë Todi Karoli. “Inovacioni është e ardhmja dhe ne jemi duke punuar për të ardhmen tani. Çdokush kur nis një sipërmarrje ka një ëndërr ambicioze dhe një vizion. Shumë pak nga ata që e nisin sipërmarrjen arrijnë ta çojnë atë në nivelin që dëshiron. Me ne është e kundërta. Jemi të sigurt se ku do të arrijmë me Go Taps. Ne kemi një ëndërr dhe plani ynë për ta realizuar atë është shumë i qartë dhe i detajuar.“
“Vizioni ynë është që Go Taps të përfshihet në çdo fazë të jetës së njerëzve, duke qenë një ekosistem i cili do t’ju lehtësojë shumë shërbime sepse Go Taps është nevojë e domosdoshme. Po punojmë që Go Taps pas pak vitesh të jetë një kompani globale si pjesë e një zhvillimi të qëndrueshëm me një siguri dhe efikasitet teknologjik dhe gjithashtu ne duam të jemi një model frymëzues dhe motivues për çdo të ri anë e mbanë botës, duke u treguar se kush beson çmendurinë e ëndrrave të tij i bën ato realitet. Me shumë punë natyrisht dhe me aspak frikë ndaj të panjohurës. Go Taps do të thotë prek të ardhmen tani.” – ka shprehur Todi planet dhe ambiciet për të ardhmen e Go Taps./ProBizz.al
