Themeluesi i Amazon, Jeff Bezos ka deklaruar se do të shesë aksione të tjera në gjigantin e teknologjisë, me vlerë rreth 5 miliardë dollarë .
Kjo vjen pasi vlera e tregut të aksioneve të kompanisë arriti një rekord të lartë të mërkurën.
Në shkurt, ai njoftoi se do të shiste rreth 8.5 miliardë dollarë aksione të Amazon.
Kjo shënoi herën e parë që nga viti 2021 që Bezos kishte shitur aksione të Amazon.
Aksionet e kompanisë janë rritur më shumë se 30% këtë vit nga pritshmëritë që kërkesa në rritje për teknologjinë e inteligjencës artificiale (AI) do të shtojë të ardhurat në biznesin e saj të kompjuterit cloud.
Muajin e kaluar, vlerësimi i tregut të aksioneve të Amazon arriti në 2 trilion dollarë për herë të parë.
Amazon raportoi fitime të forta tremujore në fund të prillit, gjë që tregoi se basti i kompanisë mbi AI po shpërblehej.
Bezos dha dorëheqjen si shefi ekzekutiv i kompanisë në vitin 2021 dhe aktualisht është kryetar ekzekutiv i saj dhe mbetet aksionari më i madh i saj.
Ai themeloi Amazon në vitin 1994 në një garazh në Bellevue, Ëashington, kur interneti ishte ende në fillimet e tij.
Përkthyer dhe përshtatur nga BBC për Probizz.al
